2024 最新「高質」partyroom 推介！｜聖誕除夕最佳派對場地｜附派對食物訂購攻略 – Day Night Catering

過時過節唔搵班friend出嚟開party，點會夠意思呢？不過係香港要搞個party，場對絕對係一大問題！要係云云Partyroom入面選擇唔同嘅設施同裝修，性價比又高嘅場地確實唔易。等我哋嚟盤點2023年最新Partyroom推介啦，到最尾仲有訂派對食物嘅攻略，等你可以無痛開Party !

九龍區Partyroom推介

觀塘The Greenery Party：歐陸風主題房

觀塘嘅The Greenery Party有好多間主題房，裝修風格走歐陸風。你可以選擇希臘風、和風或者土耳其風房間，每種風格都有特別裝修。其中，和風房就有和式榻榻米、復古米紙屏風同埋室內小庭院，好適合影相打卡！最掂嘅就係，呢度仲有免費嘅無酒精飲品，讓你無限量飲，唔使驚口渴仲要另外出錢買飲品喇！

太子Spriumn：日系簡約文青風露營帳篷

太子Spriumn有兩層，裝修風格走日系簡約文青風，以米色為主調，配上木色地台同卡其色嘅豆袋座椅。最吸睛嘅裝飾就係打卡一流嘅米色露營帳篷，喺度你會有家嘅溫暖感覺！而且入場只需要自助Check in，唔使擔心有人監視，可以好自在咁玩！

鑽石山昭和之箱Showabox：日式復古風佈置

鑽石山嘅昭和之箱Showabox將你帶返去昭和時代，重溫日本旅遊嘅美好時光！牆上貼滿五顏六色嘅日本漫畫海報，每個角落都可以見到多款童年古玩。除此之外，佢哋仲有幻彩射燈卡拉OK機同銀河投射燈，打卡影相一流！

新界區Partyroom推介

葵芳To.moroo：摩洛哥風情一絕

葵芳嘅To.moroo，裝修風格獨特，以摩洛哥風情去做主題。主打嘅就係特色地毯牆，再配上摩洛哥家居裝飾作點綴。雖然佢喺工廠區，但係呢種設計變成咗一個都市綠洲。我哋強烈推薦你同班friend嚟試下呢種異國風情。

葵興春日Haruharu：人寵共融空間，柴犬店長坐鎮

葵興春日Haruharu佔地3,500呎，包括2,000尺室內同1,500尺雙露台，戶外露台可以BBQ！室內主打日系簡約風格，為人寵共融空間，唔止可以讓人使用，寵物都可以入場，主人可以帶埋主子一齊開Party影靚相！仲有柴犬店長坐鎮，見到佢嘅可愛模樣，你一定會心都化咗！

葵芳/葵興The Core Base：簡潔影樓開放Party Room

The Core Base喺葵芳同葵興都有分店，平時會租借場地作MV拍攝或商業影樓用途，但原來都可以係Party Room嚟㗎！ The Core Base取勝嘅地方係房間非常開揚，再加上不同房間嘅取色好配合主題之餘，仲好吸睛，令人想瘋狂打卡影相！ 所以嚟呢度開Party簡直是一舉兩得，可以玩之餘，又可以影到靚相，十分推介！

元朗YL.STAR BBQ

住新界的朋友也可以去party room玩！ 元朗這間party room有韓燒BBQ，全場有2000尺，如果不選擇BBQ也能代訂到會食物，室內設施多元化，還有高爾夫球草地，最高可以容納70人，是放鬆享受的好地方。

港島區Partyroom推介

柴灣ChillWan：Pet Friendly 2000呎戶外平台舒適BBQ 

位於柴灣嘅ChillWan，將柴灣變成最Chill嘅灣，因為佢有2000尺戶外平台同400尺室內場地！ 呢個充滿度假感覺嘅戶外平台，種滿咗20幾棵植物、有拼色嘅cushion同梳化，再加埋個碼頭海景，就好似去咗旅行咁，無論係日頭定夜晚都咁有feel ！ ChillWan仲係寵物友善場地，可以同埋狗狗喺呢個咁靚嘅場地舒舒服服咁BBQ，各位奴才一定唔可以錯過啦！

銅鑼灣The Roomss：霓虹燈牌 懷舊香港

位於銅鑼灣嘅The Roomss有4間主題房，而其中一間「銅鑼灣 Causeway Bay」就係圍繞舊香港做主題，以大量本土懷舊裝飾，營造一個小型嘅舊香港！ 有另外嗆3間房有以露營、粉嫩及電影房為主題，每間房間雖然面積不大，但都五臟俱全，設備好齊全㗎！ 如果幾個朋友不知去邊好，又想靜靜哋搵個地方hea嚇嘅話，呢度就超適合你哋啦！

灣仔Fancy Home

位於灣仔的Fancy Home場地面積900尺，最高能容納30人，沒有遊戲機和點唱機，但有一個開放式廚房，非常適合和朋友打發時間，放鬆心情聊聊天，玩玩桌遊。 這個partyroom 更有art jamming 服務，讓你們在享受party的同時，還可以釋放創意，畫出心中的畫作。 無論你是想靜靜地聊天，還是想大聲歌唱，Fancy Home都能滿足你！

訂派對食物嘅攻略

派對嘅成功之道，除咗要有場地同熱鬧嘅氣氛之外，當然唔少得美食相伴。如果你想省返啲力，唔想自己操勞煮嘢食，咁就可以搵外賣到會一次過解決所有問題喇！Day Night Catering就係一個好嘅選擇，你可以根據你嘅需要同人數，直接喺佢哋網站度落單，真係方便得嚟又唔使擔心食物質量。

更加特別嘅係，聖誕節嚟緊，Day Night Catering仲推出咗一個由藍帶廚師精心設計嘅經典聖誕到會套餐。呢個套餐包含咗各種聖誕節經典菜式，例如烤火雞、聖誕布甸等等，全部都係由專業廚師用心烹調，確保你同你嘅朋友可以喺派對上享受到最美味嘅聖誕大餐。

所以，如果你想為你嘅派對添上一份美食驚喜，Day Night Catering就係你嘅最佳選擇。快啲上佢哋網站查詢同落單啦，讓你嘅派對變得更加完美！